ನೀವು ಯೌವ್ವನದಿಂದ, ಶಕ್ತಿಯುತವಾಗಿ ಕಾಣುವುದರ ಜೊತೆಗೆ ರೋಗಗಳಿಂದ ದೂರವಿರಬಹುದು ಎಂದು ಮನಶ್ಶಾಸ್ತ್ರಜ್ಞ ಮತ್ತು ಹೀಲಿಂಗ್ ತಜ್ಞ ಡಾ.ಮದನ್ ಮೋದಿ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ನಾಲ್ಕು ಸರಳ ನಿಯಮಗಳನ್ನು ಹಂಚಿಕೊಂಡಿದ್ದಾರೆ.
ಬೆಳಿಗ್ಗೆ ಎದ್ದ ತಕ್ಷಣ ಕನಿಷ್ಠ ಒಂದು ಲೋಟ ನೀರು ಕುಡಿಯಿರಿ ಇದು ದೇಹವನ್ನು ನಿರ್ವಿಷಗೊಳಿಸುವುದಲ್ಲದೆ (detoxifies), ನಿದ್ರೆಯ ಸಮಯದಲ್ಲಿ ನಿಧಾನವಾಗುವ ಚಯಾಪಚಯ ಕ್ರಿಯೆಯನ್ನು (metabolism) ಸಕ್ರಿಯಗೊಳಿಸುತ್ತದೆ. ಬೆಳಗಿನ ನೀರು ನಿಮ್ಮ ಯಕೃತ್ತು, ಮೂತ್ರಪಿಂಡಗಳು ಮತ್ತು ಚರ್ಮವನ್ನು ರಿಫ್ರೆಶ್ ಮಾಡುತ್ತದೆ. ಮಲಬದ್ಧತೆ ಮತ್ತು ಆಮ್ಲೀಯತೆಯಂತಹ ಸಮಸ್ಯೆಗಳನ್ನು ನಿವಾರಿಸಲು ಸಹ ಇದು ಸಹಾಯ ಮಾಡುತ್ತದೆ. ಬೇಕಿದ್ದರೆ, ಉಗುರು ಬೆಚ್ಚಗಿನ ನೀರನ್ನು ಕುಡಿಯಬಹುದು, ಇದು ಹೊಟ್ಟೆ ಮತ್ತು ಚರ್ಮ ಎರಡಕ್ಕೂ ಬಹಳ ಪ್ರಯೋಜನವಾಗುತ್ತದೆ.
ಒಂದು ಲೋಟ ನೀರನ್ನು ಒಂದೇ ಬಾರಿಗೆ ಕುಡಿಯುವ ಬದಲು, ನಿಧಾನವಾಗಿ ಸಿಪ್ ಸಿಪ್ ಆಗಿ ಕುಡಿಯಿರಿ ಅಥವಾ ಸ್ವಲ್ಪ ಸಮಯದವರೆಗೆ ಬಾಯಿಯಲ್ಲಿ ಇಟ್ಟುಕೊಂಡು ಕುಡಿಯಿರಿ ಎಂದು ಡಾ. ಮೋದಿ ಹೇಳುತ್ತಾರೆ. ಹೀಗೆ ಮಾಡುವುದರಿಂದ ಹೆಚ್ಚು ಲಾಲಾರಸವು (saliva) ಹೊಟ್ಟೆಯನ್ನು ಸೇರುತ್ತದೆ, ಇದು ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ಇದರಿಂದ ಮೈಗ್ರೇನ್ ಮತ್ತು ತಲೆನೋವಿನಂತಹ ಸಮಸ್ಯೆಗಳಿಂದ ಪರಿಹಾರ ದೊರೆಯುವುದಲ್ಲದೆ, ಕಿವಿಯ, ಮೂಗು ಮತ್ತು ಗಂಟಲಿನ (ENT) ಆರೋಗ್ಯವೂ ಸುಧಾರಿಸುತ್ತದೆ. ಇದು ನಿಮ್ಮ ದೇಹಕ್ಕೆ ಒಂದು ನೈಸರ್ಗಿಕ ವ್ಯಾಯಾಮದಂತೆ ಕೆಲಸ ಮಾಡುತ್ತದೆ.
ಬೇಸಿಗೆಯಲ್ಲಿ ತಣ್ಣೀರು ಕುಡಿಯುವುದು ಆಹ್ಲಾದಕರವೆನಿಸಬಹುದು. ಆದರೆ, ಎಷ್ಟೇ ಬಿಸಿಯಿದ್ದರೂ, ನಿಮ್ಮ ಗಂಟಲು ಎಷ್ಟೇ ಒಣಗಿದ್ದರೂ, ಫ್ರಿಡ್ಜ್‌ನಿಂದ ತೆಗೆದ ತಣ್ಣೀರನ್ನು ಕುಡಿಯುವುದನ್ನು ಯಾವಾಗಲೂ ತಪ್ಪಿಸಿ ಎಂದು ಡಾಕ್ಟರ್ ಸಲಹೆ ನೀಡುತ್ತಾರೆ. ಚಳಿ ನೀರನ್ನು ಕುಡಿಯುವುದು ದೇಹದ ಜೀರ್ಣಾಂಗ ವ್ಯವಸ್ಥೆಗೆ ಆಘಾತವನ್ನುಂಟು ಮಾಡುತ್ತದೆ ಬದಲಿಗೆ, ಮಣ್ಣಿನ ಮಡಕೆಯಲ್ಲಿರುವ ತಾಜಾ ನೀರು ಉತ್ತಮ ಆಯ್ಕೆ. ಇದು ದೇಹದ ಉಷ್ಣತೆಯನ್ನು ಸಮತೋಲನಗೊಳಿಸುವುದಲ್ಲದೆ, ದೇಹವನ್ನು ನೈಸರ್ಗಿಕವಾಗಿ ತಂಪಾಗಿಸುತ್ತದೆ.
ನೀರು ಕುಡಿಯುವ ನಾಲ್ಕನೇ ಪ್ರಮುಖ ನಿಯಮವನ್ನು ಡಾ.ಮೋದಿ ಹೇಳಿದ್ದಾರೆ. ಊಟಕ್ಕೆ ತಕ್ಷಣ ಮೊದಲು ಅಥವಾ ತಕ್ಷಣ ನಂತರ ನೀರು ಕುಡಿಯುವುದು ದೇಹಕ್ಕೆ ಹಾನಿಕಾರಕ. ಇದು ಜೀರ್ಣಕ್ರಿಯೆಯ ಪ್ರಕ್ರಿಯೆಯನ್ನು ದುರ್ಬಲಗೊಳಿಸುತ್ತದೆ ಮತ್ತು ವಾಯು ಸಂಬಂಧಿ ಸಮಸ್ಯೆಗಳನ್ನು ಉಂಟುಮಾಡಬಹುದು. ಆದ್ದರಿಂದ, ಊಟಕ್ಕೆ 30 ನಿಮಿಷಗಳ ಮೊದಲು ಮತ್ತು ಊಟವಾದ 30 ನಿಮಿಷಗಳ ನಂತರ ಮಾತ್ರ ನೀರು ಕುಡಿಯಿರಿ. ನಿಂತುಕೊಂಡು ನೀರು ಕುಡಿಯಬೇಡಿ, ಯಾವಾಗಲೂ ಕುಳಿತುಕೊಂಡೇ ನೀರು ಕುಡಿಯಿರಿ. ಊಟದ ತಕ್ಷಣ ಅಥವಾ ಊಟದ ನಡುವೆ ಬಹಳ ಅಗತ್ಯವಿದ್ದರೆ, ನೀವು ಹಾಲು, ಮಜ್ಜಿಗೆ ಅಥವಾ ಮೊಸರನ್ನು ಸೇವಿಸಬಹುದು. ಇವು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತವೆ.
ಡಾ.ಮದನ್ ಮೋದಿ ಅವರು, ಈ ನಾಲ್ಕು ನೀರು ಕುಡಿಯುವ ನಿಯಮಗಳನ್ನು ಸರಿಯಾಗಿ ಪಾಲಿಸಿದರೆ, ನಮ್ಮ ಚರ್ಮವು ಹೊಳೆಯಲು ಪ್ರಾರಂಭಿಸುತ್ತದೆ, ಮುಖದ ಸುಕ್ಕುಗಳು ಕಡಿಮೆಯಾಗುತ್ತವೆ, ಹೊಟ್ಟೆ ಸಮಸ್ಯೆಗಳು, ಮೈಗ್ರೇನ್ ಮತ್ತು ಚರ್ಮ ಸಂಬಂಧಿತ ಎಲ್ಲಾ ಸಮಸ್ಯೆಗಳು ಸ್ವಯಂಚಾಲಿತವಾಗಿ ಕಣ್ಮರೆಯಾಗುತ್ತವೆ ಎಂದು ನಂಬುತ್ತಾರೆ. ಹಾಗಾಗಿ, ನೀವು 40ನೇ ವಯಸ್ಸಿನಲ್ಲಿಯೂ 24ರವರಂತೆ ಶಕ್ತಿ ಮತ್ತು ಮುಖದ ಹೊಳಪನ್ನು ಬಯಸಿದರೆ, ನಿಮ್ಮ ನೀರು ಕುಡಿಯುವ ವಿಧಾನವನ್ನು ಇಂದಿನಿಂದಲೇ ಬದಲಾಯಿಸಿ.
