ಮುಂಬೈ:- “ಇಂದ್ರ ಸಭಾ” ಎಂಬ ಬಾಲಿವುಡ್ ಸಿನಿಮಾವು 1932ರಲ್ಲಿ ಬಿಡುಗಡೆಯಾಯಿತು. ಇದರಲ್ಲಿ ಬರೋಬ್ಬರಿ 72 ಹಾಡುಗಳಿವೆ. 1980ರಲ್ಲಿ ಗಿನ್ನೀಸ್‌ ಬುಕ್‌ನಲ್ಲಿ ದಾಖಲಾಯಿತು.
‘ಇಂದ್ರ ಸಭಾ’ ಚಿತ್ರದ ಮೊದಲ ಆವೃತ್ತಿ 1925 ರಲ್ಲಿ ಮಣಿಲಾಲ್ ಜೋಶಿ ನಿರ್ದೇಶನದಲ್ಲಿ ಮೂಕಿ ಚಿತ್ರವಾಗಿ ಬಿಡುಗಡೆಯಾಯಿತು. 1932ರ ಆಧುನಿಕ ಆವೃತ್ತಿಯಲ್ಲಿ 15 ಸಾಮಾನ್ಯ ಹಾಡುಗಳು, 9 ತುಮ್ರಿ, 4 ಹೋಳಿ ಹಾಡುಗಳು, 31 ಗಜಲ್‌ಗಳು, 2 ಚೌಬೋಲಾ, 5 ಛಂದಗಳು ಮತ್ತು 5 ಇತರ ಹಾಡುಗಳು ಸೇರಿವೆ. ಒಬ್ಬ ದಯಾಳು ಮತ್ತು ನ್ಯಾಯಯುತ ರಾಜನ ಸುತ್ತಲೂ ಸಿನಿಮಾದ ಕಥೆ ಸಾಗುತ್ತದೆ, ಅವನು ತನ್ನ ಪ್ರಜೆಗಳ ಕಲ್ಯಾಣಕ್ಕಾಗಿ ಸದಾ ಸಿದ್ಧನಾಗಿರುತ್ತಾನೆ. ಇಂದ್ರನ ಆಸ್ಥಾನದ ಅಪ್ಸರೆ ಭೂಮಿಗೆ ಬಂದು ರಾಜನ ಗುಣಗಳನ್ನು ಪರೀಕ್ಷಿಸುವಾಗ ಅವಳಿಗೆ ರಾಜನ ಮೇಲೆ ಪ್ರೀತಿ ಹುಟ್ಟುತ್ತದೆ.
ಜಹಾನಾರಾ ಕಜ್ಜನ್ ಮತ್ತು ಮಾಸ್ಟರ್ ನಿಸಾರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡರು. ಜಹಾನಾರಾ ಕಜ್ಜನ್ ‘ಬಂಗಾಳದ ನೈಟಿಂಗೇಲ್’ ಎಂದು ಪ್ರಸಿದ್ಧಿ ಪಡೆದಿದ್ದರೂ, 30ನೇ ವಯಸ್ಸಿನಲ್ಲಿ ನಿಧನರಾದರು.
ಈ ಚಿತ್ರವು ಧ್ವನಿ ಚಿತ್ರರಂಗದ ಆರಂಭಿಕ ಕಾಲದಲ್ಲಿ ನಿರ್ಮಿತವಾಗಿದ್ದು, ಬಾಲಿವುಡ್‌ನಲ್ಲಿ ಹಾಡುಗಳ ಮಹತ್ವವನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರವಹಿಸಿದೆ. ಹಾಡುಗಳು ಚಿತ್ರಕಥೆಯನ್ನು ಮುಂದುವರಿಸುವ ಪ್ರಮುಖ ಸಾಧನವಾಗಿದ್ದು, ಚಿತ್ರ ನಿರ್ಮಾಪಕರು ಮೊದಲಿಗೆ ಹಾಡುಗಳ ಆಯ್ಕೆ ಮತ್ತು ಚಿತ್ರೀಕರಣದ ನಿರ್ಧಾರಗಳನ್ನು ಮಾಡುತ್ತಾರೆ. ಈ ಚಿತ್ರದ 72 ಹಾಡುಗಳ ದಾಖಲೆ ಇಂದಿಗೂ ಮುರಿಯದಂತಿದೆ ಮತ್ತು ಇದು ಬಾಲಿವುಡ್ ಸಂಗೀತ ಚಲನಚಿತ್ರಗಳ ಇತಿಹಾಸದಲ್ಲಿ ವಿಶೇಷ ಸ್ಥಾನ ಪಡೆದಿದೆ.
